Gaur gaueko inspirazioa
kopletan behar dut jarri,
eta ez begiratu neurriari,
ez baitu eta betetzen sarri.
Astegun buruzurietan ni
ametsetan naiz egarri,
neure uren goxotasunera
nahi baitzaitut ekarri,
zuk laztanak ekarri,
nik beste batzuk zuri,
ilargia non ezkutatzen den
erakutsiaz elkarri.
Dantzarik dantza izarapeko
bi ur zipristin dantzan,
batek besteari tiratu eta
besteak beso guztia eman.
Bi baten faltan
hirutan eta lautan,
problemak desagertzen diren
utopiaren plazan.
Eta utopiak, amaigabean,
betiko iraun dezan.
Subscribe to:
Post Comments (Atom)
No comments:
Post a Comment